Xhezair Dafa (1972)
Filmi është një komedi, në të cilën një grup tifozash të sëmurë shkaktojnë shumë probleme dhe mosmarrëveshje midis tyre dhe qytetit.
Muharrem Fejzo (1973)
Një punonjës i sigurimit, Kreshnik Martini, ka hyrë në rradhët e një bande agjenturiale e hedhur në veprim në Shqipëri dhe mbledh informacione në të gjithë aksionet e saj. Ky film bazohet në një ndodhi të vërtetë të kundërzbulimit shqiptar, i cili në vitin ‘53 ka arritur të zbulojë një rrjet që synonte rrëzimin e pushtetit.
Koço Devole (1995)
Në një bar me të dehur, hyn një burrë i huaj me një çantë plot me para. Ai bëhet shkaku i prishjes së qetësisë dhe harmonisë në bar.
Hysen Hakani (1966)
Lufta e Dytë Botërore. Patrioti Jonuz Bruga ka konflikte me djalin e tij më të ri, Selimin, i cili bën një jetë të shthurur dhe tradhëton atdheun e tij duke mos u pajtuar me luftën Antifashiste. Ndërkohë vëllezërit e tij, Dini, Petriti dhe Vehipi luftojnë duke drejtuar grupet guerile të qytetit.
Arian Çuliqi (1995)
Telekomedi. Një çift të papunësh me shumë femijë e lëshojnë shtëpinë e tyre me qera për të jetuar dhe përfundojnë në taracën e pallatit.
Xhanfize Keko (1980)
I vogli Velo mezi pret të rritet dhe të bëhet partizan i vërtetë. Kjo dëshirë e tij forcohet edhe më shumë pas vrasjes së të atit nga armiqtë dhe ai insiston që ta zëvëndësojë atë me çdo kusht. Disa herë ai nuk pranohet në rradhet e partizanëve për shkak të moshës së tij të vogël dhe të “pushkës që është më e gjatë se ai”. Por Velo nuk jepet. Më në fund ai arrin të pranohet në rradhët e partizanëve.
Gjergj Xhuvani (2001)
Ngjarjet zhvillohen në vitet e diktaurës komuniste, në një shkollë fshati. Të gjithë ishin të detyruar tu bindeshin urdhërave që vinin nga lart. Mësues Andrea ka një lidhje dashurore me mësuese Dianën. Nxënësit dhe mësuesit ishin të detyruar të shkruanin me gurë parrulla nëpër kodra duke i thurur lavde regjimit në fuqi. Andrean, që kundërshton urdhërat, e transferojnë dhe më pas e arrestojnë
Drita Koçi ( 1992)
Ëndra e shqiptarëve të izoluar për të udhëtuar jashtë për specializime, vë përballë njeri tjetrit dy shokë pune.
Xhanfize Keko (1978)
Periudha e pas luftës. Fëmijët vërejnë një banor të ri, xha Lipen, në lagjen ku jetojnë. Sapo ai vendoset në këtë lagje, një tjetër person endet andej duke shitur plaçka të vjetra. Gjatë pushtimit, plaçkaxhiu ka asistuar në arrestimin e xhaxhait të Luanit. Luani dhe fëmijët e tjerë zbulojnë se të dy burrat po përpiqen të hedhin në erë centralin elektrik të qytetit. Fëmijët lajmërojnë organet e sigurimit të shtetit.
Fehmi Hoshafi (1989)
Bie alarmi në një repart ushtarak. Sjellja e ushtarit është ekzemplare por komandant Fatosi është vonë tashmë. Ai mund të përballet me gjygjin ushtarak për shkak të intrigave të leintnant Raufit. Kjo histori teston lidhjen e tij me të fejuarën.
Kujtim Çashku (1980)
Ekranizim i një nga thesaret e letërsisë shqipe “Klubi i Selanikut” të Çajupit. Viti 1908. Disa pseudo patriotë shqiptarë formojnë një klub me pretendimin se punojnë për të mirën e Shqipërisë. Secili nga ta ka një ëndërr: të jetë i famshëm dhe i pavdekshëm. Kjo dëshirë sfilitëse për famë dhe pavdekësi është vënë në shënjestër nëpërmjet sarkazmës, veçanërisht me lojën e Zenelit, shërbyesit të Skëenderbeut.
Viktor Gjika (1976)
Ekranizim i romanit të Teodor Laços. Pas përfundimit të luftës, njerëzit e rinj që kanë marrë pushtetin fillojnë të përballohen me urinë. Sekretari i partisë së qytetit, Martin Kreka, niset nëpër fshatra dhe udhëheq fushatën për grumbullimin e drithit, që shitet në tregun e zi. Ai ndihmohet nga drejtori i grumbullimit, i cili ka bluar për bukë edhe drithin e farës.
Piro Milkani (1969)
Bazuar në romanin “Dasma” të Ismail Kadaresë. Katrina dhe Xhaviti, dy të rinj vullnetarë, bien në dashuri gjatë ndërtimit të një hekurudhe dhe vendosin të martohen. Por babai i Katrinës, një malësor që e ka fejuar vajzën pa pëlqimin e saj, nuk mund ta pranojë këtë martesë. Ai shkon në ceremoninë e dasmës për të vrarë të bijën. Por ç’ndodh…?
Petrit Llanaj (1987)
Dino Bregu, njëherë kryetar i një ferme shtetërore, mëson se Iliri, zëvendësuesi i tij ka marrëdhënie me vajzën e tij të vetme. Atij i duhet të bjerë dakort me këtë situatë dhe me qëndrimin e njerëzve kundrejt tij.
Gëzim Erebara (1979)
Pasi mbush 12 vjeç, Asimeja e re detyrohet të rrijë e mbyllur në shtëpi. Familja e fejon me një të ri të cilin nuk e kishte njohur kurrë më parë. Gjatë luftës, një partizane e plagosur, rri në shtëpinë e Asimesë. Asimeja vendos të dalë partizane.
Subscribe to:
Posts (Atom)
